اختيار السيراميك المناسب

اختيار السيراميك المناسب يعتبر من أهم القرارات و أنت بتشطب شقتك لأنه مش مجرد ديكور إنما حاجة بتكمل معاك طول العمر و اختياره أو تركيبه الغلط يأما هيخليك تغير شقتك أو تضطر تدخل في دوامة إنك تكسره و تغيره ، طب ليه الحيرة من الأول ؟ تعالي في المقالة دي نعرف إزاي تختار السيراميك المناسب و كمان إزاي تركبه صح
و قبل ما ندخل في التفاصيل لو حابب تعرف إزاي تبدأ تشطب شقتك لو أنت مش مهندس فممكن تتابع مقالاتنا اللي فاتت و اللي فيها اتكلمنا عن بند السباكة و الكهرباء و المحارة و الدهانات ممكن تشوفها من هنا

: هنبدأ أول حاجة ببند السيراميك و البورسلين
و أنت بتخلص كهرباء و سباكة و محارة و مرحلة تأسيس الدهانات و اللى بتتعمل قبل السيراميك ، ابدأ دور من قبلها و اختار السيراميك أو البورسلين عشان بياخد وقت في الوصول ، طيب ممكن تجيب منين ؟
في أماكن كتير جداً زي : عبد العزيز السلاب – مظلوم محجوب – الحويفي – كليوباترا ، و معارض تانية كتير هتسأل إيه أحسن معرض فيهم ؟
هقولك مفيش حاجه اسمها معرض أحسن ، انزل و بص على الأنواع و الأشكال كلها و وسع دايرة اختياراتك عشان في الآخر توصل ل اختيار السيراميك المناسب و تبقي راضي تماماً عنه

: سريعاً كده في شوية نصائح خليك عارفها و أنت نازل تشتري
.أولا اختيار السيراميك فن ، فحاول تاخد حد بيتقنه معاك –
.حط بادجيت متخرجش عنها و التزم بيها –
و أنت بتشتري حط 10% كمية إضافية على كل نوع عشان الهالك و عشان ميحصلش عجز معاك أثناء التركيب و تحتاج تشتري تاني و ممكن الشكل ميبقاش متوفر
بعد ما تشتري المعرض هيتفق معاك على يوم عشان التوصيل فلازم تكون مجهز عمال عشان يطلعوا السيراميك أو  متفق مع ونش و مجهز نفسك  من قبلها
.و آخر حاجة لو فاض منك كمية حافظ عليها و اعملها مرتجع –

: كيفية تجهيز وتركيب البلاط
خد بالك اي مقاس اكبر من 30 * 60 سم لازم يتلزق بماده عشان میتطبلش اقل من كدة يتعمل بمونه عادي
هتتصل ب ” الصنايعي ” وهييجي يشوف الانواع اللى انتا جبتها مقاساتها وهيديك سعر للمتر للتركيب

: لما تكون بتختار بلاط لمساحة كبيرة، مهم تفهم التفاصيل اللي هتخلي شغلك يطلع كويس، تعالى نشوف الخطوات

: الفحص الأساسي
المبلط اول حاجه بيعملها بيبدأ يعمل مراجعه على البيب بتاعت المكان ( البلاعات ) عشان يتأكد ان الشرب اللى اخدته قبل كدة مظبوط عشان بيبدأ يشتغل ولو مش مظبوط ؟ ساعتها بيشتغل على منسوب أعلي بيبة

: الانطلاق من الحوائط
بيشتغل في الارضيات،  في حالة أن البلاط مظبوط ومفيهوش مشاكل في المقاسات بيبدأ شغل في حوائط الحمامات والمطابخ وبعد كدة

: ايه هي الصلايب
الصلايب دی مثلث بيحطه بين كل اربع بلاطات عشان يوحد الخطوط الافقية والرأسيه ( اللحامات ) ساعات بقي البلاط نفسه بيكون فيه مشاكل ساعتها لازم تشتغل من غير صلايب
.لازم تتأكد انه مش بيستخدم جبس برضه

: الاهتمام بالمقاسات والتركيب الأفقي والرأسي
مش أي حد يتحكم بالمقاسات صلايب التسوية وتجميع الخطوط، لازم نحطها بعناية بين كل مجموعة بلاط علشان نتأكد إنها مستوية، المبلط لازم يكون فنان في التركيب، يضبط البلاط أفقيًا ورأسيًا عشان نحصل على شكل جمالي

  : ملأ اللحامات
عملية ملأ اللحامات محتاجة مهارة فنية، لازم المبلط  يسقي البلاط بمادة الجراوت او اسمنت ابيض بمياه مضاف اليه أكسيد لون عشان يكون قريب من لون البلاطه ويبدأ يملا اللحامات بين البلاط
ويكون بطريقة فنية عشان تحقق تأثير المظبوط والمتناسق

: الاختبار الأخير
. بعد ما نشغل المايه، لازم نتأكد إن كل حاجة طلعت زي الفل، ومفيش مياه تسيب في الحمامات والمطابخ

: الفرق بين البورسلين والسيراميك
الفرق ان السيراميك عجينتين المصنعيات: من 25 – 40 جنيه للمتر على حسب مقاس البلاطه وخامتها، وحساب الوزره بيكون كل 2 متر طولي ب 1متر مربع کسعر
.سعر السيراميك والبورسلين من 60 جنيه للمتر لحد 1500 جنيه لمتر و تفاوت كبير لان في المصري والمستورد، أحسنهم الاسباني في المستورد والجوهره في المصري