Cubics

أهمية السباكة

أهمية بند السباكة في عملية التأسيس
بند السباكة من أهم البنود اللي لازم تهتم بيها في التأسيس . لأن الغلط في السباكة هيعملك مشاكل طول عمرك ومتستهونش بيها

قبل ما نقولكم ازاي هتنفذوا البند دة في شقتكم و قبل ما ندخل في التفاصيل لو حابب تعرف إزاي تبدأ تشطب شقتك لو أنت مش مهندس فممكن تتابع مقالاتنا اللي فاتت و اللي فيها اتكلمنا عن بند السباكة و الكهرباء و المحارة و الدهانات ممكن تشوفها من هنا

دور الشرب في تحديد مستوى الأرضية في الشقة
، الشرب دة ببساطة هو مسافة 1 متر فوق البورسلين اوالسيراميك طب ايه فايدته ؟ فايدته انك بتحدد منسوب “مسافة ” كل حاجه من مستوي أرضيتك النهائية … ، مثال: علب الكهربا السفليه لازم كلها تكون على نفس المستوي من الأرضية ، فازاي بنظبط كل العلب على مستوي واحد ؟.. عن طريق الشرب

كيفية تنفيذ الشرب قبل إنجاز الأرضيات
طب إزاي بنحددوا واحنا لسه معملناش الأرضيات ؟
المفروض أن تشطيب ارضية المدخل قدام باب الشقه يكون على نفس مستوي الأرضية في شقتك . وبالتالي بتقيس مسافة 1 متر من الأرضية قدام باب الشقه ،وتعلم علامة السباك بينقلوا جوة عندك في الشقه بحاجه اسمها میزان خرطوم

ايه هو ميزان الخرطوم وبنستخدمه ازاي ؟
هو خرطوم رفيع بيكون مليان مياه … وواحد بيمسك ناحية منه ويثبتها عند العلامه اللي علمناها قدام باب الشقه وواحد بيبدأ يثبت الخرطوم الناحية التانيه على الحيطة اللي هيعلم عليها الشرب الجديد  لحد ما مستوي المياه يقف على العلامة اللي بره عند باب الشقه ، في الوقت دا مستوي المياه في الخرطوم بره وجوة بيكون على نفس المستوي وبالتالي لو اخدنا 1 متر من العلامه اللي علمناها جوة الشقه يبقي ده مستوي الأرضية بتاعتنا
حددنا الشرب … تمام ؟؟ يالا نبدأ
السباك بيدخل الشقه بيعرف منك هتحط القاعده فين ؟ ، والحوض فين ؟ ، وهل هتعمل شاور ولا بانيو ؟ ، واماكن التكييفات عشان بيكون ليه صرف داخلي في الشقه عشان مترميش المياه عالجيران ، وهيطلب منك شوية طلبات ، الخامات ديه أنواعهم ايه ؟
تعالي أقولك

أنواع خامات التغذية والصرف في السباك
خامات التغذية
أكواثيرم وديه ألماني وسعرها عالي شوية بولو بلاست ودية ألماني وسعرها متوسط وفي خامات انواع تانيه زي البحر الاحمر بس اللي فوق دول أشهر 3 شركات في السوق

خامات الصرف وليها اكتر من نوع

هتشتريله الخامات وهيبدأ في تأسيس شبكتين ( تغذية وصرف )

لازم تحددله اذا كنت هتركب حوض بركبة او حوض بعامود او حوض ساقط رخامه , هل هترکب “سيفون” اللي بيتدفن بدتخل الحيطة ولا سيفون عادي ؟
واوعي تعمل شطاف بارد ساخن لانه بيكون غلط عالى لاطفال

هيبدأ يكسر ويعمل مسار لمواسير التغذية ويركب المواسير ويخلص الشبكة كاملة بتاعت التغذية وبعد كدة ينضف الأرضية كويس جدا من بواقي التكسير

وقبل ما نعمل شبكة الصرف بتاعتنا : ندخل في موضوع العزل الان العزل بيتعمل قبل الصرف واوعي تصدق السباك اللى هيقولك العزل بيتعمل فوق المواسير او انه مالوش فايده

دور العزل في حماية الشقة من التسريبات
فايدة العزل لنه بيحمي جارك والحوائط بتاعتك من المياه البسيطة اللى بتتسرب من ارضية الحمام … ولكن لو فيه مشكلة سباكه …مفيش اي عزل هيوقفها العزل  فيه أنواع كتير من العزل . بس أشهرهم عزل المیمبرین و العزل الاسمنتي الكيماوي ، السباك ممكن يكون معاه حد للعزل وممكن لأ فهتضطر تجيب حد يعزل بعد عملية التغذية تغذية العزل الاسمنتي أفضل زي شركة (سيك وكيماويات البناء الحدیث او باسيف الألمانية)

استلام العزل بيكون ازاي ؟
هيملا الأرضية كلها بالمياه وتاني يوم تيجي وتبص على حوائط الشقه وسقف الشقه اللي تحتك في حالة انها مش متشطبة … لو لاحظت نشع يبقي لازم تعيد العزل …
وبعد كدة هيبدأ السباك يركب شبكة الصرف واللي بتشمل
مواسير صرف التكييفات وبعد لما يخلص
هتتصل بالشركة المصنعه لمواسير التغذيه عندك وهتيجي تعملك اختبار على مواسير التغذية وتبصلك على اللحامات مواسير الصرف وتديك شهادة ضمان كدة الشركة استلمت بدالك فنيا من السباك.. ولكن المقاسات لازم انتا تعيد وتتأكد منها ، زي مكان الحوض ويبدأ السباك ” يحبش ” على مواسير الصرف “بمونه” عشان يحميها آن حد يدوس عليها لانها بتكون
مظبوطة بميل معين وبعد كدة بنعمل حاجه اسمها ” لياسة ” ودیه مونه بنفردها على الارض عشان تحمي العزل بتاعنانرجع للشرب بقي بعد لما بنخلص تأسيس السباكة وعمل صرف التكييفات ساعات بنلاقي ان مستوي المواسير عالي او ان مراتك طلبت من السباك بيبه ” بلاعه ” فالمطبخ ، والمطبخ مبيكونش ليه سقوط زي الخرسانات ف الحمامات وبالتالي “البيبة” ديه ليها ارتفاع .. فبتأثر على منسوب الأرضية وفي الحالة ديه يا اما بنفصل المطبخ عن بقيت الشقه یا اما بنعلي كل الشقه الحمام متوسط سعر |

المطبخ كتوسط مصنعية التأسيس والتشطيب
من 1100الي 1300 بالعزل

المطبخ متوسط سعر مصنعية التأسيس والتشطيب
من 1100الي 1300 بالعزل

والاسعار ديه في المتوسط قابلة للزياده او النقصان ، حسب المكان والموقع وطريقة الوصول اليه کام ملحوظة كدة 1 ) مستوي مخرج صرف التكييف في الحائط لازم يكون خلف وحدة التكييف ناحية شمال التكييف … والحاجة الاهم انك لازم تعمل حساب سقوط الجيبسم بورد ان وجد … التكييف بيحتاج تقريبا م 35-40 سم تحت سقف الجیبسم بورد 2 ) متديش السباك كل حسابه .. ويفضل اللي هيأسس هو اللي هیشطب 3) لو هتعمل تكييف کونسيلد فوق الجبس بورد . . هتخلي السباك يطلع صرف التكييف فوق مستوي الجيبسم بورد
عشان يكون متداري

نقاط مهمة

1 ) مستوي مخرج صرف التكييف في الحائط لازم يكون خلف وحدة التكييف ناحية شمال التكييف … والحاجة الاهم انك لازم تعمل حساب سقوط الجيبسم بورد ان وجد … التكييف بيحتاج تقريبا من 35-40 سم تحت سقف الجیبسمبورد –

 متديش السباك كل حسابه ويفضل اللي هيأسس هو اللي هیشطب –

لو هتعمل تكييف کونسيلد فوق الجبس بورد . . هتخلي السباك يطلع صرف التكييف فوق مستوي الجيبسم بوردعشان يكون متداري –